ՌԴ-ի դեմ կիրառվող պատժամիջոցներից կտուժեն նաև ամերիկյան փոփ-աստղերը. Financial Times

Ռուսաստանի հանդեպ ԱՄՆ-ի կիրառած պատժամիջոցների պատճառով ամերիկյան մի շարք փոփ-աստղեր կանգնել են փաստի առաջ: Մասնավորապես, ամերիկյան փոփ-երգչուհի Մայլի Սայրուսի և Ջասթին Թիմբերլեյքի` մայիսին և հունիսին Ֆինլանդիայում կայանալիք համերգները կարող են չեղյալ հայտարարվել:

Ինչպես հաղորդում է Financial Times բրիտանական պարբերականը, երկու համերգներն էլ պետք է կայանան Հելսինկի քաղաքի Hartwall Arena մարզադաշտում, որի սեփականատերերը ռուս բիզնեսմեններ Գենադի Տիմչենկոն, Արկադի և Բորիս Ռոտենբերգներն են: Ղրիմի հանրաքվեից հետո վերոնշյալ երեք գործարարներն ընկել են ԱՄՆ «սև ցուցակ», և քանի որ համերգների կազմակերպիչն ամերիկյան Live Nation ընկերությունն է, ապա, ամենայն հավանականությամբ, համերգները չեղյալ կհայտարարվեն:

Փաստաբանների ներկայացմամբ' պատժամիջոցների կիրառման արդյունքում ամերիկյան կողմը պետք է հատուկ թույլտվություն ստանա ԱՄՆ ֆինանսների նախարարությունից, որպեսզի իրավունք ստանա գործնական հարաբերություններ հաստատել ռուս գործարարների հետ: Ռուսական կողմն արդեն հայտարարել է, որ ֆինները չպետք է տուժեն ամերիկացիների պատժամիջոցներից: Միաժամանակ, Live Nation Entertainment-ի ներկայացուցիչները հայտարարել են, որ կաշխատեն այնպես, որպեսզի ԱՄՆ-ի կիրառած պատժամիջոցները փոփոխության չենթարկվեն: Խնդրի առնչությամբ դեռևս հայտարարությամբ հանդես չեն եկել Թիմբ երլեյքն ու Սայրուսը: