Հայաստանում գազասպառողներն ավելացել են 1865-ով

Հայաստանում, 2014 թվականի ապրիլի 1-ի դրությամբ, գազահամակարգին է միացված 652 հազար 360 բաժանորդ: «Ընթացիկ տարվա առաջին եռամսյակում «Գազպրոմ Արմենիա» ՓԲԸ փաստացի գազասպառող բաժանորդների թիվն ավելացել է 1865-ով, որոնցից 633-ը՝ մարտ ամսին»,-տեղեկացնում է ընկերությունը:

«Գազպրոմ Արմենիա» ՓԲ ընկերությունը ՌԴ «Գազպրոմ» ԲԲԸ դուստր ընկերությունն է: «Գազպրոմ Արմենիան» ապահովում է Հայաստանի Հանրապետության ներքին շուկայում բնական գազի մատակարարումն ու իրացումը: ՀՀ ներկրվող բնական և հեղուկ գազի ծավալը 2013 թվականին 2012 թ. համեմատ նվազել է 2.86 տոկոսով և կազմել 2 միլիարդ 333 միլիոն 449 հազար խորանարդ մետր, որից 1.92 մլրդ խորանարդ մետրը՝ Ռուսաստանից:

ՀՀ հանրային ծառայությունները կարգավորող հանձնաժողովը 1 խորանարդ մետր գազի սակագին է սահմանել 156 դրամը (մինչև 10 հազար խմ սպառում ունեցող բաժանորդների համար)