Գրեթե 30 ինքնաթիռ ու նավ շարունակում են մալայզիական Boeing-ի որոնումները. AP

14 ինքնաթիռ և 13 նավ ապրիլի 10-ին շարունակում են ավելի քան մեկ ամիս առաջ կորած մալայզիական ավիահանրանավի որոնումները: Այս մասին հաղորդում է Associated Press գործակալությանը:

Որոնումների վերսկսումից առաջ գործողությունների գոտին կրճատվել է մինչև 57,9 հազար քառակուսի կիլոմետր: Ավելի վաղ Ավստրալիայի և Չինաստանի որոնողական նավերը գրանցել են Malaysian Airlines ինքնաթիռի «սև արկղերի» չորս հնարավոր ազդանշաններ՝ 140, 13, 5,5 և 7 րոպե տևողությամբ:

Որոնումներին մասնակցող Ավստրալիայի ռազմաօդային ուժերի նախկին հրամանատար Անգուս Հյուսթոնի խոսքով՝ վերջին երկու ազդանշաններն ավելի թույլ են եղել նախորդներից, ինչը կարող է վկայել այն մասին, որ «սև արկղերի» մարտկոցները լիքաթափվում են:

Malaysia Airlines ավիաընկերության Boeing 777-ը, որը կատարում էր 370-րդ չվերթը Կուալա Լումպուր-Պեկին երթուղով, ռադարների էկրաններից կորել է մարտի 8-ին՝ Մալայզիայի մայրաքաղքից թռչելուց մոտավորապես մեկ ժամ անց, միաժամանակ դրա հետ ընդհատվել է կապը: