Քեսաբի ողբերգությունը` որպես մեղքի բեռ, մնալու է Թուրքիայի վրա. Radikal

Քեսաբում տեղի ունեցած դեպքերի հետևանքների ամբողջ ողբերգությունը, որպես մեղքի բեռ, մնալու է Թուրքիայի վրա, քանի որ վերջինիս թողտվությամբ է տեղի ունեցել իսլամիստ ծայրահեղականների ներխուժումը սիրիական այդ բնակավայր: Այս մասին գրում է թուրքական «Ռադիկալ» թերթի սյունակագիր Ֆեհիմ Թեշթեքին:

«Քեսաբցիները ստիպված եղան լքել իրենց տները Թուրքիայի աջկացությունը վայելող զինյալ գրոհայինների պատճառով: Նրանք հանգստանալու համար չեն գնացել Լաթաքիա, նրանք տեղահնավել են»,-գրում է նա:

Անդրադառնալով Քեսաբից Թուրքիայի Հաթայի նահանգի հայաբնակ Վաքըֆլը գյուղ տղափոխված 2 տարեց քույրերի իրական պատմությանը, Թեշթեքին նշում է, որ թուրքական մամուլն ի լուր ամենքի հայտնում է, թե Թիթիզյան քույրերն իրենք են ցանկացել ապաստանել Թուրքիայում, մինչդեռ պարզվում է, որ նրանք ցանկացել են մեկնել Լաթաքիա, սակայն, Քեսաբը զավթած ծայրահեղականները նրանց հանձնել են Թուրքիային: «Թուրքիան կարիք ունի «հայերին գրկաբաց ընդունեցինք» հեքիաթի, իսկ իսլամիստ զինյալները' հայաթափ Քեսաբի»,-շեշտում է թուրք լրագրողը:

«Ռադիկալի» սյունակագիրը մեջբերում է Թիթիզյան քույրերի հետևյալ խոսքը. «Մենք չէինք սպասում, որ զինված հարձակում կլինի: Բայց ասում են, որ Էրդողանն (Թուրքիայի վարչապետ) է ճամփա բացել գրոհայինների առաջ: Եթե Էրդողանը նրանց առաջ ճամփա չբացեր, այդքան շատ վատ մարդ չէր լցվի Քեսաբ: Այդ մարդիկ Թուրքիայից եկան»: