Մխիթարյանը լավագույններից էր. Der Westen

Գերմանական հայտնի Der Westen պարբերականը մեկնաբանել է Բունդեսլիգայի 30-րդ տուրի կենտրոնական՝ «Բավարիա» - «Բորուսիա» (0:3) հանդիպումը: Հայաստանի ազգային հավաքականի և Դորտմունդի «Բորուսիայի» կիսապաշտպան Հենրիխ Մխիթարյանը և նրա թիմակից Պյեռ-Էմերիկ Օբամեյանգն ստացել են ամենաբարձր գնահատականը՝ 1: 

Մեր հայրենակցի մասին պարբերականը, մասնավորապես, գրում է. 

«Գոլային բաց թողնված պահերից հետո (նկատի ունի «Ռեալի» դեմ հանդիպումը.-խմբ) լավ խաղ անցկացրեց: Մխիթարյանը ձախ ոտքի հարվածով Բունդեսլիգայում խփեց իր 7-րդ գոլը: Առաջին խաղակեսում հայ ֆուտբոլիստը հիմնականում խաղում էր իր համար անսովոր՝ ձախ կիսապաշտպանի դիրքում, բայց դա չխանգարեց հենց նրա շնորհիվ հաշիվը դարձնել 2:0:

Մխիթարյանն արագության շնորհիվ կարողացավ կազմակերպել արագ հակագրոհ  և փոխանցում կատարել Օբամեյանգին, ով էլ իր հերթին գնդակը փոխանցեց Մարկո Ռոյսին և նա էլ ավելացրեց հաջողությունը: «Բորուսիայի» կազմում Մխիթարյանը լավագույններից էր»: