Արտաշատ քաղաքի 70 տնտեսություններին բաժանվել է ազոտական պարարտանյութ

Արարատի մարզին ՀՀ կառավարության կողմից հատկացրած 3888տ 350 կգ ազոտական պարարտանյութից, Արտաշատ քաղաքի 70 տնտեսություններին արդեն բաժանվել է 20 տոննան: Մարզին հատկացված 457տ 150 կգ ֆոսֆորական և 362տ 200կգ կալիումական պարարտանյութերից 5 տոննան շուտով կներմուծվի և կբաժանվի Արտաշատ քաղաքի բնակիչներին: Ինչպես «Արմենպրես»-ին տեղեկացրեց քաղաքապետարանի աշխատակազմի քաղաքաշինության, ճարտարապետության և հողօգտագործման բաժնի գլխավոր մասնագետ Գեղամ Արշակյանը, հիշյալ պարարտանյութը կհատկացվի առաջիկա տասնօրյակում' հայտեր ներկայացրած և նախնական վճարումներ կատարած 40 տնտեսություններին:

Ազոտական պարարտանյութի մեկ պարկը (50 կգ) արժե 6000 դրամ, ֆոսֆորական պարարտանյութի մեկ պարկը (50կգ)' 7000 դրամ, կալիումական պարարտանյութի մեկ պարկը (50կգ)' 7000 դրամ:

Արտաշատ քաղաքի վարչական սահմաններում գտնվող տարածքներից 1462 հա-ն գյուղատնտեսական նշանակության հողեր են, որոնցից քաղաքացիներին պատկանող հողատարածքները 780 հա են, իսկ համայնքային նշանակության հողերը՝ 682 հա: Հիշյալ տարածքում ոռոգելի հողատարածքները կազմում են 1021 հա: Համայնքային նշանակության հողերից վարձակալությամբ է տրված 298 հա-ն: