Էրդողանին խայտառակող տեսաերիզի հետ կապված դատական հայցը մերժվել է. թուրքական ԶԼՄ-ներ
Համաշխարհային Մամուլ
Թուրքական «Խալգ ԹՎ» հեռուստաալիքի դեմ Թուրքիայի վարչապետ Ռեջեփ Թայիփ Էրդողանի ներկայացրած դատական հայցը մերժվել է:
Ինչպես հաղորդում են թուրքական ԶԼՄ-ները, թուրքական «Դուման» երաժշտական խմբի կատարմամբ «Ռեզիլ» («Խայտառակություն») երգի' Էրդողանի լուսանկարներով «համեմված» տեսաերիզի հեռարձակումից հետո Էրդողանը դատի էր տվել հեռուստաալիքին' մեղադրելով նրան իր «անձնական իրավունքները խախտելու» մեջ և 60 հազար լիրա բարոյական վնասի փոխհատուցում պահանջել:
Անկարայի 14-րդ առաջին ատյանի իրավական դատարանը, կողմերի փաստաբանների հայտարարությունները լսելուց հետո վճռել է մերժել դատական հայցը' համարելով այն չհիմնավորված:
Հիշյալ տեսաերիզը «Խալգ ԹՎ» հեռուստաալիքը եթեր է թողարկել 2013 թ. մայիսի կեսերին, երբ սկսվում էին Ստամբուլի Գեզի այգու բնապահպանական պահանջներով զանգվածային բողոքի ցույցերը, որոնք հետագայում Թուրքիայով մեկ վերածվեցին թուրքական կառավարության դեմ բողոքի ակցիաների:
ՈՒՂԻՂ ԵԹԵՐ
Ամենադիտված 
«Գուստավ» ռեստորանի մենեջերը կանանց զուգարանում գաղտնի տեսանկարահանումներ է իրականացրել․ ՆԳՆ-ն ստուգում է տեղեկությունը
