Հարավային Կորեայում ջրասույզ եղած լաստանավի նավապետին սպառնում է մինչև հինգ տարվա ազատազրկում. The Chosun Ilbo

Լի Չժուն Սոկը՝ «Սևոլ» լաստանավի նավապետը, լաստանավ, որն ապրիլի 16-ին նավաբեկության է եթարկվել Հարավային Կորեայի ափերի մոտ, կարող է դատապատվել հինգ տարվա ազատազրկման ևդրամական տուգանքի: Այդ մասին այսօր հաղորդել է The Chosun Ilbo թերթը:

«Լին և նրա անձնակազմը ենթարկվել են քրեական պատասխանատվության: Համապատասխան օրենքների համաձայն՝ նավի նավապետն արտակարգ իրադրության դեպքում պարտավոր է ձեռնարկել մյուսներին փրկելու անհրաժեշտ քայլեր»,- գրել է հրատարակությունը: Մինչդեռ, թերթը հիշեցնում է, որ 69-ամյա նավապետ Լի Չժուն Սոկը և անձնակազմի առանձին անդամներ եղել են նրանց թվում, ովքեր առաջինն են հեռացել նավից:

Ինչպես հայտնի է դարձել, պատահարի պահին նավը վարել է նավապետի 26-ամյա երրորդ օգնականը, որն ընդամենը մեկ տարվա փորձառություն ունի: Դա, մասնագետների կարծիքով՝ նույնպես նպաստել է իրադարձությունների ցավալի զարգացմանը:

Ողբերգության վայրում փրկարարական աշխատանքները վերսկսվել են ապրիլի 18-ի առավոտյան: Վերջին տվյալներով ողբերգության զոհերի թիվը հասել է 28-ի, 271 ուղևոր համարվում է անհայտ կորած: Փրկվել է 179 մարդ, հաղորդել է «Ինտերֆաքս» գործակալությունը: