Հռոմում Հայոց ցեղասպանության զոհերի հիշատակին նվիրված պատարագ կմատուցվի

Հռոմի հայերը ապրիլի 24-ին' Հայոց ցեղասպանության զոհերի հիշատակի օրը, կոգեկոչեն Հայոց ցեղասպանության 99-րդ տարելիցը' հարգանքի տուրք մատուցելով 1.5 միլիոն հայ նահատակների հիշատակին: Այդ օրը ցեղասպանության զոհերին նվիրված սուրբ պատարագ կմատուցվի Հռոմի Սուրբ Նիկոլա դա Տոլենտինո եկեղեցում, որից հետո ծաղկեպսակ կդվի եկեղեցու բակում կանգնեցված խաչքարի մոտ:

Հռոմի հայությանն ուղղված կոչով է հանդես եկել Հռոմի պապական հայկական սեմինարիայի տեսուչ Գևորգ Նորադունգյանը. «Ապրիիլի 24-ը մեծ խորհուրդ ունի մեզ համար և նշանավորում է մեր պատմության ամենաողբերգական էջը: Մեր վերքերը դեռ բաց են, քանզի այդ չարագործության հեղինակները շարունակում են ուրանալ իրենց հանցագործությունը»,- նշել է Նորադունգյանը' բոլորին հրավիրելով մասնակցելու հիշատակի միջոցառմանը և հարգանքի տուրք մատուցելու ցեղասպանության զոհերի հիշատակին' Տիրոջից խնդրելով արդարություն և խաղաղություն հաստատել աշխարհում: