Ռուսաստանը փոխում է իր մոտեցումը միջազգային զարգացմանն օժանդակելու նկատմամբ. Պուտին

Ռուսաստանը փոխում է իր մոտեցումը միջազգային զարգացմանն օժանդակելու նկատմամբ՝ շեշտը դնելով ոչ թե բազմակողմ, այլ երկկողմ հարաբերությունների վրա: Այդ մասին ասված է ՌԴ-ի նախագահ Վլադիմիր Պուտինի հրամանագրում, որը հրապարակվել է իրավական տեղեկատվության ինտերնետ-պորտալում:

Փաստաթղթի համաձայն՝ միջազգային զարգացմանն օժանդակելու ՌԴ-ի պետական քաղաքականության նոր հայեցակարգի իրագործումը պետք է նպաստի Ռուսաստանի ազգային շահերի առաջշարժմանը ցույց տրված օգնության առավելագույն հատույցի հասնելու միջոցով:

Հայեցակարգում ընդգծված է, որ միջազգային զարգացմանն օժանդակելու ոլորտում առաջնահերթ օգնությունը Ռուսաստանը ցույց կտա ԱՊՀ-ի անդամ երկրներին, Աբխազիային, Հարավային Օսիային եւ մյուս այն երկրներին, որոնք Ռուսաստանի հետ բարիդրացիության և դաշնակցության ուղեգիծ են վարում, հաղորդել է ՌԻԱ Նովոստին: