Ադրբեջանի պաշտպանության նախկին նախարարը փախել է երկրից. «Ազադլըգ»
Համաշխարհային Մամուլ
Ադրբեջանի պաշտպանության նախկին նախարար Սաֆար Աբիևը պաշտպանական գերատեսչությունում սկսված ձերբակալությունների պատճառով փախել է երկրից: Ադրբեջանից նրա հեռանալը համընկել է վերջին մեկ ամսվա ընթացքում Ադրբեջանի ռազմածովային ուժերի 12 բարձրաստիճան զինծառայողների ձերբակալությունից հետո ռազմածովային ուժերի նախկին հրամանատար փոխծովակալ Շահին Սուլթանովի կալանավորմանը: Այս մասին հայտնում է «Ազադլըգ» թերթը' նշելով, որ իր աղբյուրների համաձայն, Սաֆար Աբիևը մեկնել է Եվրոպա:
Ադրբեջանցի ռազմական փորձագետ Ուզեիր Ջաֆարովն ավելի վաղ թերթին հայտնել էր, որ Ադրբեջանի զինված ուժերում ձերբակալությունները շարունակվելու են, և շուտով ճաղերի հետևում կհայտնվեն ևս մի քանի բարձրաստիճան սպաներ: Նրա խոսքով, այդ գործողությունները Սաֆար Աբիևին ևս պատասխանատվության ենթարկելու ծրագրի մաս են կազմում: Ադրբեջանի ՊՆ նախկին նախարարն իր դեմ գործողությունների և գերատեսչությունում սկսված ձերբակալությունների առնչությամբ ակնարկել էր, որ ինքը դարձել է ներիշխանական ինչ-որ խմբավորման թիրախը:
ՈՒՂԻՂ ԵԹԵՐ
Ամենադիտված 
«Մարինան նույնպես չկարողացավ հաղթել այդ չարիքին». Իրինա Թովմասյանը ցավալի լուր է հայտնել
