ԱՄՆ-ում աճում է տոռնադոների զոհերի թիվը. Reuters
Համաշխարհային Մամուլ
ԱՄՆ-ի հարավում, որտեղ երկու օր է՝ շարունակվում են փոթորիկները, տարերքի զոհերի թիվը հասել է 21-ի: Ինչպես տեղեկացնում է Reuters գործակալությունը, ապրիլի 28-ին տոռնադոն պատուհասել է Միսիսիպիի նահանգի Տյուպելո քաղաքը: Այդ բնակավայրում, որը հայտնի է որպես երգիչ ու դերասան Էլվիս Պրեսլիի հայրենիք, զոհվել է առնվազն մեկ մարդ:
Ավելի վաղ Արկանզասում փոթորկի հետևանքով զոհվել է առնվազն 15 մարդ, Ալաբամայում՝ երկուսը և մեկական բնակիչ՝ Օկլահոմայում, Այովայում և Կանզասում: Տարերքը հարվածել է նաև Արևմտյան Ջորջիայի և Թենեսիի նահանգներին: Վնասվել են հարյուրավոր տներ ու ձեռնարկություններ, էլեկտրահաղորդման գծեր և գազատարներ, ավտոմեքենաներ, տապալվել են ծառեր: Տասնյակ մարդիկ տարբեր աստիճանի ծանրության վերքեր են ստացել:
Արտակարգ իրավիճակի հետևանքները վերացնելու համար ներգրավվել են Ազգային գվարդիայի ուժեր: Օդերևութաբանները նախազգուշացնում են, որ տոռնադոների սպառնալիքը կպահպանվի ևս մի քանի օր:
ՈՒՂԻՂ ԵԹԵՐ
Ամենադիտված 
Ծեծկռտուք Մոսկվայի ռեստորաններից մեկում՝ հայտնի գործարարի և «Դոն Պիպոյի» միջև․ վերջինս թիկնապահի հետ փախուստի է դիմել (տեսանյութ)
