ՄՄ-ին անդամակցությունը ՀՀ-ն ուժեղացնելու ճանապարհներից մեկն է. քաղաքագետ
Տնտեսություն
Քաղաքագետ Լևոն Շիրինյանը համաձայն չէ տեսակետի հետ, թե անդամակցելով Մաքսային միությանը, Հայաստանը կորցնում է ինքնիշխանությունը: Մայիսի 3-ին լրագրողների հետ հանդիպմանը, քաղաքագետն, անդրադառնալով ՄՄ-ին Հայաստանի անդամակցությանը նշեց, որ դա ՀՀ-ի համար շահավետ գործընթաց է, քանի որ այն մեր պետությունն ուժեղացնելու ճանապարհներից մեկն է: «Ես կարծում եմ, որ Հայաստանը պետք է ամեն ինչ անի Մաքսային միության մեջ առաջին դիրքերում լինելու համար: Հայաստանը շատ արագ պետք է ՄՄ-ի անդամ դառնա' Մաքսային միության հիմնադիր գործընթացների մեջ լինելու և ամեն ինչից տեղյակ լինելու համար»,- ասաց Շիրինյանը:
Նա նշեց, որ Ռուսաստանն այսօր Հայաստանին ձեռք է մեկնում, իսկ Հայաստանը պետք է օգտվի աշխարհի հզորագույն երկրներից մեկի օգնությունից' երկիրը զարգացման ճանապարհով տանելու համար: «Մաքսային միությունից Հայաստանի տնտեսական օգուտը ևս մեծ է լինելու: Հիշեք, թե Հայաստանը Խորհրդային Միության տարիներին ինչպես էր իր տնտեսությամբ մրցակցում ԽՍՀՄ այլ երկրների հետ: Հայաստանի համար կրկին հնարավորություն է ստեղծվում վերականագնել իր նախկին դիրքերը և օգտագործել տնտեսական ներուժը»,- ասաց քաղաքագետը:
Նրա խոսքով' այդպիսով Հայաստանի համար պատմական հնարավորություն է ստեղծվել պետությունն ուժեղացնելու համար:
ՈՒՂԻՂ ԵԹԵՐ
Ամենադիտված 
Վենսը Բաքվում կատակել է Մեհրիբան Ալիևայի մասին
