Դանիիլ Խաչատուրովը Ռուսաստանի ամենահարուստ ամուրիների տասնյակում է. Forbes

Forbes ամսագիրն ուսումնասիրել է Ռուսաստանի ամենահարուստ տղամարդկանց կենսագրությունն ու կազմել ամենահարուստ ամուրիների top-տասնյակը: «Ռոսգոսստրախ» ընկերության գործադիր տնօրեն հայազգի Դանիիլ Խաչատուրովը ցուցակի 7-րդ հորիզոնականում է: Խաչատուրովի ունեցվածքը գնահատվում է 2.6 միլիարդ դոլար: «42-ամյա Խաչատուրովն ամենացանկալի փեսացուների ցանկում է: Առաջին կնոջից բաժանվել է 7 տարի առաջ: Հետո, ըստ որոշ աղբյուրների, ամուսնացել է դիզայներ Ուլյանա Սերգեենկոյի հետ, սակայն այդ ամուսնությունն էլ շուտ ավարտ է ունեցել: Այժմ Խաչատուրովը կրկին միայնակ է»,- գրում է Forbes-ը:

Ցուցակի առաջին հորիզոնականում «Ալֆա-գրուպ» կոնսորցիումի սեփականատեր գործարար Միխայիլ Ֆրիդմանն է: Նրա ունեցվածքը գնահատվում է 17,6 միլիարդ դոլար: 50-ամյա Ֆրիդմանը նախկինում եղել է ամուսնացած և ունի 4 երեխա, որոնցից երկուսն այժմ ապրում են Ֆրանսիայում նախկին կնոջ հետ:

Տասնյակի երկրորդ հորիզոնականում ՌԴ նախագահի նախկին թեկնածու Միխայիլ Պրոխորովն է: 48-ամյա բիզնեսմենի ունեցվածքը գնահատվում է 10.9 միլիարդ դոլար: Պրոխորովը երբեք ամուսնացած չի եղել, սակայն ռուսական դեղին մամուլի հավաստիացմամբ, մշտական ընկերուհի ունի, ում անունը չի հրապարակում:

Երրորդ հորիզոնակում բիզնեսմեն, անգլիական «Չելսի» ակումբի սեփականատեր Ռոման Աբրամովիչն է: Յոթ տարի առաջ առաջին կնոջից' Իրինայից բաժանվելուց հետո Աբրամովիչին վերագրում էին տարբեր սիրավեպետ ռուս հայտնի մոդելների հետ: Այժմ Աբրամովիչը կրկին միայնակ է, իսկ կարողությունը գնահատվում է 9.1 միլիարդ դոլար:

Տասնյակում ընդգրկված են պատգամավոր Անդրեյ Սկոչը, բանկիր Սերգեյ Պոպովը, բիզնեսմեններ Ալեքսանդր Սվյատակովը, Դմիտրի Մազելինը, Օլեգ Բոյկոն և Ալեքսեյ Սյոմինը: