Իսրայելն ու Թուրքիան մոտ օրերս համաձայնության կգան «Մավի Մարմարայի» հարցում. Jerusalem Post

Իսրայելի և Թուրքիայի միջև «Մավի Մարմարա» նավի գործով համաձայնության հաստատումը հնարավոր կլինի առաջիկա օրերի ընթացքում: Նման տեղեկատվություն է տարածել իսրայելական Jerusalem Post պարբերականը:

Իսրայելական լրատվամիջոցների տվյալներով` համաձայնագրի վերջնական կնքման համար անհրաժեշտ է, որպեսզի Իսրայելի վարչապետ Բենիամին Նեթենյահուն Ճապոնիայից վերադառնա Իսրայել: Jerusalem Post-ը նշում է, թե հաշված օրեր են մնացել, որ «Մավի Մարմարա» նավի վրա իսրայելական կողմի հարձակումից հետո թուրք-իսրայելական վատացած հարաբերությունները չորս տարի անց կարգավորվեն: Պարբերականը մեջ է բերել նաև իսրայելցի մի դիվանագետի խոսքը, որտեղ նշվում է. «Սպասում ենք, որ վարչապետը վերադառնա, և համաձայնագիրն ավարտին հասցնենք»: