BBC-ն և CNN-ը ստում են Ուկրաինայի իրադարձություններին գնահատականներ տալիս

Ինչպես հայտնում է itar-tass-ը, Արևմուտքը փաստացի ստում է Ուկրաինայի իրադարձություններին գնահատական տալիս: Այս մասին հայտնել է ՌԴ-ի ՆԳ նախարար Սերգեյ Լավրովը:

«Ես տեղյակ եմ, որ կեղծիքն ու կիսատ ճշմարտությունները «մեծ ոգևորությամբ» օգտագործվում են ուկրաինական ճգնաժամի ընթացքում, ընդ որում, թե′ բուն ուկրաինացի գործիչների, թե′ նրանց արևմտյան հովանավորների կողմից: Հավանաբար, փաստերը պարզապես լռության մատնելը բավական չէ նրանց համար»,- ասել է Լավրովը:

Լավրովի խոսքով՝ ռուս լրագրողները, երբեմն իրենց կյանքի գնով, աշխատում են բարդ պայմաններում և ցույց են տալիս Ուկրաինայում տեղի ունեցածի ճշմարտությունը, մասնավորապես այն, ինչ տեղի ունեցավ Օդեսայում, թե ինչպես էին ցանկանում դա կրկնել Մարիուպոլում, թե ինչպես էին փորձում տապալել հանրաքվեն:

Ռուսական լրատվամիջոցներն ուղիղ եթերով ցուցադրել են այնպիսի կադրեր, որոնցում երևում է, թե ինչպես է ծանր տեխնիկան օգտագործվում անզեն քաղաքացիների դեմ, մինչդեռ հեղինակավոր BBC և CNN հեռուստաալիքներով տարվող լուսաբանումները Ուկրաինայի վերաբերյալ շատ մտահոգիչ են: