ՄՄ-ին Հայաստանի ինտեգրումը բացառիկ հնարավորություններ է ստեղծում եվրոպական ներդրողների համար. Սերժ Սարգսյան

Հայաստանն ու Ֆրասիան շահագրգիռ են երկու երկների տնտեսական համագործակցության մակարդակը քաղաքական երկխոսության մակարդակին համապատասխանեցնելու համար: Ֆրանսիայի նախագահ Ֆրասուա Օլանդի պաշտոնական այցի շրջանակներում կայացած հայ-ֆրանսիական գործարար համաժողովի բացման ժամանակ այս մասին հայտարարեց ՀՀ նախագահ Սերժ Սարգսյանը: «Ուրախ եմ, որ նախագահ Ֆրանուսա Օլանդի պետական այցը Հայաստան նշանավորվում է հայ-ֆրանսիական գործարար համաժողովի անցկացմամբ պատահական չէ, որ այդ միջոցառումով է տրվում Օլանդի պետական այցի մեկնարկը: Հայաստանի ու Ֆրանսիայի համար առանձին նշանկություն ունի մեր երկկողմ հարաբերությւոններում տնտեսական բաղադրիչը: Ուստի մենք վճռական ենք այս ոլորտը համապատասխանացնելու մեր քաղաքական երկխոսության մակարդակին: Ուրախ ենք, որ այստեղ ներկա են ամենատարբեր բնագավառներ ներկայացնող գործարարներ, քանի որ այսօրինակ հանդիպումները ոչ միայն կարևոր են առևտրևատնտեսական առումով, այլև կարևոր հարթակ են Հայաստանի տնտեսական զարգացման ընդունված արժեքները ներակայացնելու առումով»,-ասաց Նախագահը:

Անդրադառնալով Հայաստանի' Եվրասիական մաքսային միությանն անդամակցելու որոշմանը' Սերժ Սարգսյանը նշեց, որ դա բնավ չի նշանակում, որ որևէ կերպ Հայաստանի համար նվազելու է Եվրոպական միության' որպես կարևորագույն տնտեսական տարածաշրջանի դերակատարումը:

«Վստահ եմ, որ եվրոպական երկրների կողմից արտոնությունների ընդհանուր համակարգի ռեժիմի տրամադրումն էլ ավելի գրավիչ է դարձնում եվրոպակյան շուկաները մեր արտահանողների համար' խթանելով հայկական ապրանքների արտահանումը եվոպական շուկա: Միաժամանակ, Եվրասիական Մաքսային միությանը Հայաստանի ինտեգրումը բացառիկ հնարավորություններ է ստեղծում նաև եվրոպական ներդրողների համար' օգտագործելով Հայաստանի տնտեսական տարածքը' ավելի հեշտացված կարգով դուրս գալ եվրասիական շուկա, քանի որ իր տնտեսության ազատության և շուկայական կանոնների կիրառման մակ արդակով Հայաստանի տնտեսությունը ԱՊՀ երկրների շարքում ամենամոտն է եվրոպականին: Այդ են վկայում վերջին ժամանակներում միջազգային կառույցների կողմից հրապարկվող բազմաթիվ ինդեքսները»,-ավելացրեց Սերժ Սարգսյանը:

Նրա խոսքով' Նախագահ Օլանդի ու իր համար շատ կարևոր է, որ երկու երկրների գործարար շրջանակները կարողանան փոխշահավետ գործունեություն ծավալել երկկողմ հետաքրքրություն ներկայացնող ամենատարբեր ոլորտներում: «Մասնավորապես, դեղագործության, գյուղատնտեսության, գինեգործության, ոսկերչության, տեղեկատվական տեխնոլոգիաների, ճշգրիտ ճարտարագիտության, զբոսաշրջության բնագավառներում: Համագործակցության խթանման գործում առավել կարևոր են երկու երկրների առևտրաարդյունաբերական պալատների համագործակցությունը: Մենք գիտակցում ենք, որ զարգացող տնտեսությ ուններում հաջողությունը կախված է նաև գործարարությունը խթանելու հանգամանքներից, ուստի պատրաստ ենք ըստ ամենայնի խրախուսելու ֆրանսիական ընկերություններին»,-եզրափակեց ՀՀ նախագահ Սերժ Սարգսյանը: