Հռոմի Ֆրանցիսկոս պապը չի բացառել, որ իր պաշտոնը կթողնի կյանքի օրոք
Համաշխարհային Մամուլ
Հռոմի Ֆրանցիսկոս պապը հայտարարել է, որ կարող է հանգստի անցնել կյանքի օրոք, ինչպես դա արեց իր նախորդը՝ Բենեդիկտոս XVI-ը: Մայիսի 27-ին հաղորդել է «Reuters» գործակալությունը:
Բենեդիկստոս XVI-ը 2013 թվականի փետրվարի 11-ին հայտարարել է Աառաքելական գահից հրաժարվելու իր մտադրության մասին և փետրվարի 28-ին ավարտել է պապական ծառայությունն ու Վատիկանից տեղափոխվել Կաստելգանդոլֆո:
«Ես կանեմ այն, ինչ ինձ կթելադրի Աստված»,- ասել է Ֆրանցիսկոս պապը` պատասխանելով այն հարցին, թե ինքը կթողնի արդյոք գահը, եթե առողջական վիճակը թույլ չտա իրեն կառավարել 1,2 մլրդ հետևորդների եկեղեցին:
«Կարծում եմ, որ Բենեդիկտոս XVI-ի դեպքը միակը չէ»,- հավելել է պապը: Նրա խոսքով՝ նախորդ հովվապետի հրաժարումը կարող է սկիզբ դնել «պաշտոնաթող պատվավոր պապի» հայեցակարգին:
«Արդյոք պապերն ավելի հաճախ հանգստի կանցնեն, հայտնի չէ, բայց դուռը բաց է»,- ընդգծել է Ֆրանցիսկոսը. հաղորդել է Ռիա Նովոստին:


















































Ամենադիտված
Կորուստ՝ Ալլա Լևոնյանի ընտանիքում