Օբաման և Հիլարի Քլինթոնն առանձնացած ճաշել են Սպիտակ տանը. Reuters
Համաշխարհային Մամուլ
ԱՄՆ-ի նախագահ Բարաք Օբաման Սպիտակ տանը ճաշել է երկրի նախկին պետքարտուղար Հիլարի Քլինթոնի հետ, որը պետության հաջորդ ղեկավարի հավանական հավակնորդներից մեկն է, տեղեկացնում է Reuters-ը:
Նախագահական վարչակազմի ներկայացուցիչը հայտնել է, թե ճաշկերույթը, որը չի եղել Օբամայի աշխատանքային գրաֆիկում, ոչ պաշտոնական բնույթ է կրել, և դրան, Օբամայից և պետդեպարտամենտի նախկին ղեկավարից բացի, ոչ ոք ներկա չի եղել: Երկու քաղաքական գործիչների հանդիպմանն արծարծված հարցերի մասին չի հաղորդվում:
Ճաշկերույթի բուն փաստը կարող էր գաղտնիք մնալ, բայց People հանդեսը, որը մայիսի 29-ին հարցազրույց է անցկացրել Քլինթոնի հետ, Twitter-ում հաղորդագրություն է արել նրա պլանների մասին:
Մայիսի կեսին գործակալությունը` հղում անելով Ipsos սոցիոլոգիական ընկերության անցկացրած հարցման տվյալներին, հայտնել էր, որ ԱՄՆ-ի՝ հարցմանը մասնակցած քաղաքացիների մեծամասնությունը Հիլարի Քլինթոնին համարում է 2016 թվականի նախագահական ընտրությունների հավանական հաղթողը:
Քլինթոնն ինքն առայժմ չի հաստատել, որ պայքարելու է նախագահի պաշտոնի համար, հաղորդել է ՌԻԱ Նովոստին:
ՈՒՂԻՂ ԵԹԵՐ
Ամենադիտված 
Ծեծկռտուք Մոսկվայի ռեստորաններից մեկում՝ հայտնի գործարարի և «Դոն Պիպոյի» միջև․ վերջինս թիկնապահի հետ փախուստի է դիմել (տեսանյութ)
