Հնդկաստանում ալիքը քշել-գետն է տարել երկու տասնյակ ուսանողների. The Times of India
Համաշխարհային Մամուլ
Հնդկաստանում ճարտարագիտական քոլեջի 24 ուսանողների ծածկել է ալիքը և քշել-տարել Բեաս գետը: Նրանց գտնվելու վայրն այժմ հայտնի չէ: Այս մասին հունիսի 9-ին գրել է The Times of India-ն:
Ուսանողներն էքսկուրսիայի էին ուղևորվել Մանալի (քաղաք Հնդկաստանի հյուսիսում): Ճանապարհին նրանք որոշել են լուսանկարներ անել գետի ափին, երբ այդ ժամանակ նրանց մինչև գլուխները ծածկել է ջրի հոսքը, որն առաջացել է ջրամբարից կատարված ջրթողից:
The Times of India-ի աղբյուրը հայտնել է, որ տեղական իշանությունները որևէ հայտարարություն չեն արել կատարվելիք ջրթողի մասին: Փրկարարական գործողությանն արդեն միացել են ռաֆտերները, ջրասուզակները, ինչպես նաև ոստիկանությունը և տեղացի բնակիչները:
Ոստիկանությունում այն կարծիքին են, որ գետի սառը ջրերում հազիվ թե որևէ մեկը կարողանա ողջ մնալ, բայց 18 պատանիների և վեց աղջիկների որոնումները շարունակվում են:
Տեղացի բնակիչները փակել են Մանալի-Մանդի խճուղին` արգելափակելով գնացքի ճանապարհը: Նրանք դժբախտ պատահարի համար մեղադրում են իշխանություններին: Նրանց կարծիքով` պաշտոնյաները պարտավոր էին զգուշացնել ջրթողի մասին:
ՈՒՂԻՂ ԵԹԵՐ
Ամենադիտված 
«Գուստավ» ռեստորանի մենեջերը կանանց զուգարանում գաղտնի տեսանկարահանումներ է իրականացրել․ ՆԳՆ-ն ստուգում է տեղեկությունը
