Խորհրդարանում մեկնարկել են էլեկտրաէներգիայի սակագնի վերանայման վերաբերյալ լսումները

Ազգային ժողովում մեկնարկեց էլեկտրաէներգիայի սակագնի վերանայման վերաբերյալ խորհրդարանական լսումները: Լսումները կազմակերպել է ՀՀ ԱԺ տնտեսական հարցերի մշտական հանձնաժողովը:

Լսումներին հրավիրված են ՀՀ Հանրային ծառայությունները կարգավորող հանձնաժողովի նախագահ Ռոբերտ Նազարյանը, էներգետիկայի և բնական պաշարների նախարարության աշխատակիցներ, հասարակական կազակերպությունների ներկայացուցիչներ:

ՀՀ հանրային ծառայությունները կարգավորող հանձնաժողովն իր նախաձեռնությամբ սկսել է էլեկտրաէներգիայի արտադրության և ծառայությունների մատուցման, ինչպես նաև վերջնական սպառողներին վաճառվող էլեկտրաէներգիայի սակագների վերանայման գործընթացը: ՀՀ հանրային ծառայությունները կարգավորող հանձնաժողովի նախնական գնահատմամբ՝ էլեկտրաէներգետիկական համակարգի ընկերությունների ֆինանսական կայունության և սպառողներին հուսալի ու անվտանգ էլեկտրամատակարարման ապահովման նպատակով անհրաժեշտ է շուրջ 20 մլրդ դրամ (առանց ԱԱՀ-ի) լրացուցիչ գումար: Ընկերություններում առաջացող ֆինանսական ճեղքվածքը փակելու համար նախատեսվում է բոլոր սպառողական խմբերին մատակարարվող էլեկտրաէներգիայի գործող սակագների բարձրացում' 3,8-4,3 դրամ/կՎտժ-ի (ներառյալ ԱԱՀ-ն) սահմաններում: