40-ից ավելի մարդ է վիրավորվել Իսլամաբադում տեղի ունեցած բախումների հետևանքով. «Դոոն»

Պակիստանի մայրաքաղաք Իսլամաբադի միջազգային օդանավակայանի շրջանում կատաղի բախումներ են տեղի ունեցել ոստիկանության և իսլամ աստվածաբան Թահիր Քադրիի կողմնակիցների միջև, որը պետք է այստեղ ժամաներ Կանադայից: Ինչպես տեղեկացնում է «Դոոն» թերթի հաղորդագրությանը, վերքեր է ստացել առնվազն 40 մարդ, իրավակարգի ուժերի աշխատակիցներն արցունաբեր գազ են կիրառել բողոքավորների դեմ:

Ընդդիմադիր կրոնական գործչի շուրջ 2 հազար կողմնակիցներ էին հունիսի 23-ի առավոտյան հավաքվել օդանավակայանի մուտքի մոտ՝ դիմավորելու Թահիր Քադրիին, սակայն նրա ինքնաթիռին թույլ չեն տվել վայրէջք կատարել և ուղարկել են Լահոր, որտեղ գտնվում է քաղաքական գործչի նստավայրը:

Ավելի վաղ պակիստանցի աստվածաբանը և «Պակիստան Ավամի Թեհրիք» շարժման առաջնորդ Թահիր Քադրին հայտարարել է, որ մոտ ժամանակներս Պակիստան է վերադառնալու Կանադայից, որտեղ նա գտնվում էր կամավոր տարագրության մեջ, որպեսզի «գլխավորի հեղափոխությունը»: Դրանից հետո Լահորում շարժման կենտրոնակայանը շրջափակվել է ոստիկանության կողմից: Անցած շաբաթ իրավակարգի ուժերի շրջաջակումը ճեղքելու փորձի ընթացքում առնվազն 11 մարդ է զոհվել:

Անցյալ տարվա հունվարին Թահիր Քադրին՝ որպես «Թեհրիք ե մինհաջ ուլ Ղուրան» («Ուխտավորների շարժում՝ ի պաշտպանություն Ղուրանի») շարժման առաջնորդ, ընդդիմադիր «միլիոնների երթ» էր կազմակերպել, որի ընթացքում նրա մի քանի տասնյակ հազար կողմնակիցներ զավթել էին Իսլամաբադի կենտրոնական շրջանը, հաղորդել է ԻՏԱՌ-ՏԱՍՍ-ը: