Մերկելն ունի նոր հեռախոս՝ հատուկ պաշտպանությամբ

Գերմանիայի կանցլեր Անգելա Մերկելն ունի նոր հեռախոս, որը հանդերձված է պաշտպանության հատուկ միջոցներով: Այդ մասին հունիսի 26-ին հաղորդել է Bild-ի տաբլոիդը:

Blackberry Q10-ը, որը պատրաստված է հատուկ կանցլերի համար, հանդերձված է հատուկ սարքով՝ Secusmart ֆիրմայի այսպես կոչված «կրիպտոչիպով»: Չիպն արժե 2,5 հազար եվրո: Նշվում է, որ Մերկելը կարող է ընտրություն կատարել երկու սարքերի միջև. Blackberry՝ այդ սարքի համար դասական ստեղնաշարով և Blackberry Z30՝ շոշափման էկրանով: Կանցլերն ընտրել է առաջին տարբերակը:

Սարքը, հաղորդել է հրատարակությունը, ստեղծվել է Blackberry 10 գործառնական համակարգի հիման վրա: Եվս մեկ չիպ ապահովում է հեռախոսազրույցների և ներքին կառավարական ցանցի ծածկագրումը, որով ստացվում են էլեկտրոնային հաղորդագրությունները: SMS-հաղորդագրությունները նույնպես ծածկագրվում են նոր սարքի կողմից:

Գերմանիայի տարածքում ԱՄՆ-ի հատուկ ծառայությունների գործունեության շուրջը սկանդալը բորբոքվել է 2013 վականի ամռանը, երբ Spiegel հանդեսը, որն ուսումնասիրել է ԿՀՎ-ի նախկին աշխատակից Էդվարդ Սնոուդենից ստացված տվյալները, հաղորդել է, որ Միացյալ Նահանգների Ազգային անվտանգության գործակալությունը հեռահաղորդակցական ցանցերում ամսական լրտեսել է Գերմանիայի քաղաքացիների 500 միլիոն շփումներ: Իսկ հոկտեմբերին հայտնի է դարձել, որ լրտեսման օբյեկտ կարող էր լինել նաև Անգելա Մերկելը, հաղորդել է ՌԻԱ Նովոստին: