ԵվրԱզԷս-ի Հակաճգնաժամային հիմնադրամի խորհուրդը որոշում է կայացրել ներդրումային վարկ տրամադրել Հայաստանին
Տնտեսություն
ԵվրԱզԷս-ի Հակաճգնաժամային հիմնադրամի խորհուրդը որոշում է կայացրել Հայաստանի Հանրապետությանը 150 միլիոն ամերիկայն դոլարի ծավալով ներդրումային վարկ տրամադրելու մասին՝ «Հյուսիս – Հարավ» ավտոճանապարհային միջանցքի կառուցման» (4-րդ հերթ) նախագծի ֆինանսավորման համար: Այն ընդունվել է Զարգացման եվրասիական բանկի՝ որպես Հակաճգնաժամային հիմնադրամի միջոցների կառավարչի դրական եզրակացության հիման վրա՝ Հիմնադրամի միջոցներից նախագծ ի ֆինանսավորման վերաբերյալ Հայաստանի հայտով, տեղեկացնում է «Արմենպրես»-ը՝ հղում անելով բանկի մամուլի ծառայությանը:
Միաժամանակ Հակաճգնաժամային խորհուրդը հավանություն է տվել այս նախագիծն իրագործելիս Համաշխարհային բանկի Գնումների քաղաքականության կիրառման մասին և Համաշխարհային բանկի մասնագետների ներգրավմամբ դրանց կիրառման մոնիթորինգի մասին կառավարչի առաջարկությանը:
Նիստում հաստատվել է 2013 թվականին Հիմնադրամի միջոցների կառավարչի գործունեության վերաբերյալ տարեկան հաշվետությունը, քննարկվել է ընթացիկ տարում Հիմնադրամի գործունեության ծրագրի կատարման ընթացքը, ինչպես նաև արծարծվել են Հիմնադրամի ինստիտուցիոն զարգացման և դրա ընթացիկ գործունեության այլ հարցեր:
ՈՒՂԻՂ ԵԹԵՐ
Ամենադիտված 
Նորայրը մեկնել էր հանգստի, արդեն վերադառնում է. նոր մանրամասներ՝ ողբերգական դեպքից
