Հայաստանն ավելացրել է պատրաստի սննդի արտահանումը

Հայաստանից տարվա առաջին հինգ ամիսներին արտահանվել է 117 մլն 693,6 հազար դոլարի պատրաստի սննդի արտադրանք: Նախորդ տարվա նույն ժամանակահատվածի համեմատ ցուցանիշն աճել է 6.5 տոկոսով:

Ինչպես «Արմենպրես»-ին տեղեկացնում են ՀՀ ազգային վիճակագրական ծառայությունից, նշված ժամանակահատվածում նվազել է ներմուծված պատրաստի սննդի արտադրանքի ծավալը. եթե 2013 թվականի հունվար-հունիսին Հայաստան էր ներմուծվել 143 մլն 273.3 հազար դոլար արժողոթյամբ պատրաստի սնունդ, ապա 2014-ի առաջին հինգ ամիսներին ներմուծվել է 134 մլն 739.3 հազար դոլարի արտադրանք, այսինքն' ներմուծման ծավալները նվազել են 6 տոկոսով:

Անցյալ տարի Հայաստանից արտահանվել էր 309,61 մլն դոլար ընդհանուր արժողությամբ պատրաստի սննդի արտադրանք, որը 2012-ի ցուցանիշը գերազանցում էր 21.5 տոկոսով: