Արևմուտքի պատժամիջոցները ջախջախիչ հարված չեն դառնա Ռուսաստանի համար. The Financial Times

Արևմուտքի գործողություններից կտուժեն թե՛ Ռուսաստանը, թե՛ Եվրամիությունը, սակայն պատժամիջոցները չեն կարողանա ջախջախիչ հարված հասցնել ռուսական պետությանը, ինչպես եղել էնախկինում, ռուսաստանցիները կհամախմբվեն դժվարին ժամանակներում: Այդ մասին, ինչպես տեղեկացնում է «Արմենպրես»-ը, գրել է The Financial Times-ը:

Ռուսաստանի դեմ հնարավոր նոր միջոցառումների վերաբերյալ Եվրամիության հայտարարություններն արդեն այն բանից հետո, երբ նա անցել է պատժամիջոցների երրորդ աստիճանին, հիշեցնում են ինչ-որ համակարգչային խաղ, որտեղ «խաղորդն», այսինքն՝ Եվրամիությունը, անցնում է մակարդակից մակարդակ՝ Մոսկվայից Ուկրաինայի նկատմամբ դիրքորոշման փոփոխման հասնելու հույսով, նշում է հրատարակությունը:

Իրականում, ինչպես կարծում է հրատարակությունը, բոլոր հնարավոր պատժամիջոցները Եվրամիությունը և ԱՄՆ-ն արդեն ընդունել են: Այն միջոցները, որոնք ձեռնարկվել են Ռուսաստանի տնտեսության դեմ, կարող են հարուցել կապիտալի արտահոս, ռուբլու թուլացում և ներքին ներդրումների նվազում: Բացի դրանից, Ռուսաստանի խոշորագույն բանկերը և կորպորացիաները, ինչպիսիք են Ռոսնեֆտը, ՆՕՎԱՏԷԿ-ը, Վնեշէկոնոմբանկը, Գազպրոմբանկը և այլք կտրված կլինեն արտաքին վարկային հոսքերից և կապիտալի հոսքից:

ՌԴ-ի համար ամենալուրջը կարող են լինել այն պատժամիջոցները, որոնք վերաբերում են ֆինանսական, այլ ոչ թե պաշտպանական կամ տեխնոլոգիական հատվածին: Եթե մինչ այդ, երբ բանկերի օժանդակման բեռը չափազանց ծանր լինի Ռուսաստանի պետության համար, Ուկրաինայում ճգնաժամը չդադարի, Եվրոպայի տնտեսության համար շատ վատ կլինի, և դրա՝ արդեն այժմ ոչ փայլուն աճի տեմպերն էապես կնվազեն: Ըստ որում, ինչպես նշում է FT-ն, նման ֆինանսական պատժամիջոցներից ամենից ավելի կարող է տուժել Մեծ Բրիտանիայի տնտեսությունը, հաղորդել է ՌԻԱ Նովոստին: