ԵՄ-ն կանցկացնի հանդիպում՝ սննդամթերքի ներմուծման՝ Ռուսաստանի արգելքի պատճառած վնասի քննարկման համար
Աշխարհ
Եվրամիությունը հաջորդ շաբաթ կանցկացնի փորձագետների հանդիպում սննդամթերքի ներմուծման՝ Ռուսաստանի արգելքի պատճառած վնասի քննարկման համար, որի արդյունքներով «անհրաժեշտության դեպքում կարող է գումարվել Եվրամիության խորհրդի արտահերթ նախարարական նիստ», տեղեկացնում է «Արմենպրեսը»: Այս հարցն օգոստոսի 7-ին քննարկվել է գյուղատնտեսության եվրակոմիսար Դաչան Չոլոշի և Ֆրանսիայի գյուղատնտեսության նախարար Ստեֆա ն Լե Ֆոլի բանակցություններում, ԻՏԱՌ-ՏԱՍՍ-ին հաղորդել են Եվրահանձնաժողովում:
«Փորձագետների մակարդակով հանդիպումը տեղի կունենա հաջորդ շաբաթվա սկզբին: Այնտեղ մանրամասնորեն կվերլուծեն Ռուսաստանի արգելքը, ինչից հետո կընդունվի որոշում Եվրամիության խորհրդի արտահերթ նիստի գումարման անհրաժեշտության մասին»,- պարզաբանել են Եվրահանձնաժողովում:
Ըստ Եվրոպայի Եվրոստատ վիճակագրական գործակալության տեղեկատվության՝ Ռուսաստանին է բաժին ընկնում Եվրամիության 28 երկրների ամբողջ ագրարարային և մթերային արտահանության 10 տոկոսը, որի ընդհանուր գումարը կազմում է 12 միլիարդ եվրո: Եթե այդ արտադրանքի ամբողջ ծավալը մնա Եվրոպայում, դա կարող է հանգեցնել գների անկման և ագրարային տնտեսությունների սնանկացման:
ՈՒՂԻՂ ԵԹԵՐ
Ամենադիտված 
Ցմահ դատապարտյալ Արթուր Քոչարյանն ազատ է արձակվել
