Իրանական ԱՆ-140 ինքնաթիռները չեն թռչի մինչև արտակարգ պատահարի պատճառների պարզումը

Իրանի նախագահ Հասան Ռոուհանին տրանսպորտի նախարարությանը հանձնարարել է արգելել իրանական վերափոխակի ԱՆ-140 ինքնաթիռների թռիչքները մինչև մայրաքաղաքի օդանավակայանում վերջինիս աղետի պատճառների հետաքննության ավարտը, օգոստոսի 11-ին հաղորդել է Իրանի ԻՌՆԱ լրատվական գործակալությունը:

Ինչպես տեղեկացնում է «Արմենպրես»-ը, իրանական վերափոխակի ԱՆ-140 տուրբապտուտակային ինքնաթիռը՝ «Իրան-140»-ը, որը պատկանում է տեղական ավիաընկերություններից մեկին, կատարում էր ներքին չվերթ Թեհրանի և երկրի արևելքի Թաբաս քաղաքի միջև: Ինքնաթիռում գտնվել են 40 ուղեոր և անձնակազմի ութ անդամ:

Ինքնաթիռն աղետի է ենթարկվել գործնականում թռիչքից անմիջապես հետո՝ «Մեհրաբադ» միջազգային օդանավակայանից հինգ կիլոմետր հեռավորության վրա: Հանրանավն ընկել է ավտոմայրուղու մերձակայքի անտառազանգվածում: Ականատեսների խոսքով՝ վերթիռի ժամանակ բռնկվել է մեքենայի շարժիչը, ինքնաթիռը կտրուկ փոխել է ուղղությունը և մինչև գետին ընկնելը բաժանվել է մասերի: Նախնական տվյալներով՝ աղետի պատճառ են դարձել շարժիչի անսարքությունները: Զոհվել է 39 մարդ, 9 հոգու հաջողվել է ողջ մնալ, հաղորդել է ՌԻԱ «Նովոստին»: