Ադրբեջանում հրապարակվել է քաղաքական դատապարտյալների ցուցակը` 97 քաղբանտարկյալ

Ադրբեջանում գործող 12 ոչ կառավարական իրավապաշտպան կազմակերպություններ՝ Ադրբեջանի իրավապաշտպաններիս ասոցիացիան, «Դեմոկրատիայի մոնիտորինգ»-ը, Դեմոկրատիայի և մարդու իրավունքների ռեսուրսային կենտրոնը, Հելսինկիի քաղաքացիական վեհաժողովի Ադրբեջանի ազգային կոմիտեն, «Իրավական լուսավորության հանրություն»-ը, «Իրավական պաշտպանություն և լուսավորության հանրություն»-ը, Մամուլի իրավունքի ինստիտուտը, Լրագրողների ազատության և անվտանգության ինստիտուտը, Ընտրությունների մոնիտորինգը և դեմոկրատիայի ուսուցման կենտրոնը, Քաղաքական ազատությունների պաշտպանության դաշինքը, Խաղաղության և ժողովրդավարության ինստիտուտը համատեղ զեկույց են ներկայացրել Ադրբեջանում գործող քաղաքացիական հասարակության կառույցներն ավելի խորացնող քաղբանտարկյալների խնդրի վրա միջազգային հանրության ուշադրությունը գրավելու համար:

Ինչպես հաղորդում է «Արմենպրես»-ը՝ վկայակոչելով «Ազադլըգ» թերթը, զեկույցում անդրադարձ է կատարվել մինչև 2014 թվականի օգոստոսի 3-ը Ադրբեջանում քաղաքական դրդապատճառներով կեղծ մեղադրանքներով ձերբակալություններին, որոնք որոշվել են ԵԽ ԽՎ 2012 թվականի հոկտեմբերի 3-ի թիվ 1900 բանաձևում ներկայացված չափանիշներով: Ցուցակում կան 97 լրագրողների և բլոգերների, իրավապաշտպանների, երիտասարդ ակտիվիստների, ընդդիմադիր ակտիվիստների, հավատացյալ ակտվիստների հետ 11 փաստաբաններիանունները, ովքեր ձեր բակալվել կամ արդեն դատապարտվել են քաղաքական դրդապատճառներով: