Հյուսիսկորեական նոր թղթադրամների վրայից անհետացել է Կիմ Իր Սենի նկարը

ԿԺԴՀ-ի նոր հինգհազարանոց թղթադրամների վրա այժմ չկա ազգի հոր՝ Կիմ Իր Սենի նկարը, օգոստոսի 11-ին գրել է հարավկորեական The Chosun Ilbo թերթը, տեղեկացնում է «Արմենպրես»-ը:

«Դրա փոխարեն թղթադրամի դիմերեսին պատկերված է տուն, իսկ դարձերեսին՝ Փենյանի թանգարանը, որը ցուցադրում է այն նվերները, որոնք Կիմ Իր Սենը և նրա որդի Կիմ Չեն Իրն ստացել են արտասահմանյան ղեկավարներից»,- նշել է հրատարակությունը

Թերթը ճշտում է, որ թղթադրամի վրա պատկերված կառույցը ոչ մեծ տուն է Փենյանի մերձակայքի ոչ մեծ գյուղում՝ Մանգանդեում, որտեղ ծնվել և մեծացել է Կիմ Իր Սենը:

The Chosun Ilbo-ն նաև հիշեցնում է, որ 2009 թվականի դրամական բարեփոխման ընթացքում Կիմ Իր Սենի նկարներն արդեն անհետացել են մեկ և երկու հազար վոն անվանական գնով թղթադրամների վրայից:

«Իր պապի նկարների հեռացումը ենթադրում է, որ Կիմ Չեն Ընը կգնա ԿԺԴՀ-ի տնտեսության զարգացման անկախ ուղիով»,- The Chosun Ilbo-ի հետ կայացած զրույցում նշել է Յուն Են Գվանը Սեուլի պետական համալսարանից, հաղորդել է «Ինտերֆաքսը»: