Կանադան էբոլա տենդի դեմ պատվաստանյութ կտրամադրի
Աշխարհ
Կանադան Աֆրիկա կուղարկի Էբոլա տենդի դեմ մինչեւ հազար դեղաչափ փորձարարական պատվաստանյութ: Դեղը կհանձնվի Առողջապահության համաշխարհային կազմակերպությանը (ԱՀԿ), հաղորդել է Associated Press-ը՝ վկայակոչելով Կանադայի առողջապահության նախարարության ղեկավար Ռոնա Ամբրոզին, տեղեկացնում է «Արմենպրես»-ը:
Պատրաստուկն, ինչպես պատմել է նախարարը, մշակվել Է ՄանրԷաբանության պետական ազգային լաբորատորիայում: Ըստ որում Ամբրոզն ընդգծել է, որ Կանադայի իշխանությունները պատրաստ են ամեն ինչ անելու համաճարակի դեմ պայքարելու համար, ներառյալ բուժանձնակազմի եւ ֆինանսական միջոցների տրամադրումը:
Պատրաստուկի օգտագորման մասին որոշումն ընդունվել Է այն բանից հետո, երբ ԱՀԿ-ի փորձագետների կոմիտեն բարոյական Է համարել Էբոլա տենդի դեմ փորձարարական դեղերի կիրառումը: Կազմակերպության ղեկավարի օգնական Մարի Փոլ Քինին պատմել Է, որ այսօր հետազոտվում են պատրաստուկի երեք տեսակներ, որոնք կարող են օգնել հիվանդության դեմ պայքարում, որն առայժմ անբուժելի Է համարվում:
Տենդի բռնկումն սկսվել Է այս տարվա փետրվարին Գվինեայում, ավելի ուշ վիրուսը տարածվել Է հարեւան Սիեռա Լեոնեում եւ Լիբերիայում: Առոջապահության համաշխարհային կազմակերպության վերջին տվյալներով՝ վիրուսն արդեն խլել Է 1013 մարդու կյանք, իսկ ընդամենը գրանցված Է հիվանդանալու ավելի քան 1800 դեպք:
ՈՒՂԻՂ ԵԹԵՐ
Ամենադիտված 
Խստորեն դատապարտում եմ Ռուբեն Ռուբինյանի կողմից Ստամբուլում թուրք տեսած լինելը. Դանիել Իոաննիսյան
