Ադրբեջանում քաղաքացիներն իրենց տարրական իրավունքները պաշտպանելու համար ստիպված են ինքնահրկիզման դիմել
Աշխարհ
Ադրբեջանի նախագահի նստավայրի առջև ինքնահրկիզման դիմած Էլչին և Ժալյա Սալախովներ ամուսինների վիճակը շարունակում է մնալ խիստ ծանր: Այս մասին, ինչպես հաղորդում է «Արմենպրես»-ը, հայտնում է «Ազատություն» ռադիոկայանը' հղում կատարելով Էլչին Սալախովի քրոջը՝ Եգյանա Մահմուդովային:
«Չնայած եղբայրս բազմաթիվ այրվածքներ ունի, բժիշկները երաշխավորույմ են, որ կապրի: Ժալյան գտնվում է վերակենդանացման բաժնում, նրա մոտ ոչ մեկին չեն թողնում: Բժիշկներն ասում են, որ նրա ապրելու շանսը խիստ փոքր է»,-ասել է Եգյանա Մահմուդովան:
Նրա խոսքով, երեկ հիվանդանոց են եկել Սումգայիթի գործադիր իշխանության աշխատակիցները և տեսակցել Էլչին Սալախովի հետ:
«Նրանք մի քիչ օգնել են փողով: Ասել են, որ ամեն ինչ կկարգավորվի, և նրանց խնդիրները շուտով կլուծվեն: Բայց մեր ինչին է դա պետք, երբ մեր հարսը չի ապրելու: Միթե այն բանի համար, մարդը պետք է այրի իրեն, որպեսզի նրանք լուծեն իր խնդիրը», -ասել է Մահմուդովան:
Ադրբեջանական ԶԼՄ-ները հայտնել են, որ Սալախով ամուսինները ինքնահրկիզման են դիմել ի նշան բողոքի այն բանի համար, որ չնայած իրենց սեփական առանձնատունը չքանդելու մասին դատարանի որոշմանը, իշխանությունները ապօրինաբար քանդել են այն և ընտանիքին թողել փողոցում:
ՈՒՂԻՂ ԵԹԵՐ
Ամենադիտված 
Ցմահ դատապարտյալ Արթուր Քոչարյանն ազատ է արձակվել
