Ֆրանցիսկոս պապը հանդիպել Է «Սեւոլ» լաստանավի ողջ մնացած ուղեւորների հետ

Հռոմի Ֆրանցիսկոս պապը Հարավային Կորեա կատարած՝ իր առաջին պաշտոնական այցի շրջանակներում հանդիպել է ապրիլին «Սեւոլ» լաստանավի նավաբեկության ժամանակ ողջ մնացած ուղեւորների եւ զոհերի հարազատների հետ, տեղեկացնում է «Արմենպրես»-ը:

Հաղորդվում է, որ քահանայապետին են հանձնել նամակ՝ աղետի անկախ հետաքննության կոչերը պաշտպանելու խնդրանքով, աղետ, որի հետեւանքով զոհվել Է գրեթե 300 մարդ:

Պապական գահի ներկայացուցիչ Ֆեդերիկո Լոմբարդին, սակայն, հայտարարել Է, որ Ֆրանցիսկոսն իրադրությանն անմիջականորեն չի միջամտի:

Կեջոն քաղաքում կայացած հանդիպմանը հետեւել Է բացօթյա պատարագը, որին ներկա Է եղել շուրջ 50 հազար մարդ:

Հռոմեական կաթոլիկներն առավել արագ զարգացող կրոնն Է Հարավային Կորեայում: Նրանք կազմում են բնակչության 10 տոկոսը