5,8 մագնիտուդով երկրաշարժ է տեղի ունեցել Իրանի և Իրաքի սահմանին
Աշխարհ
Իրանի և Իրաքի սահմանին օգոստոսի 18-ին տեղի է ունեցել 5,8 մագնիտուդով երկրաշարժ, հաղորդել է ԱՄՆ-ի Երկրաբանական ծառայությունը, տեղեկացնում է «Արմենպրես»-ը:
Ցնցումները գրանցվել են տեղական ժամանակով 16.21-ին (Երևանի ժամանակով 15.51-ին): Օջախն ընկած է եղել 10 կիլոմետր խորության վրա, երկրաշարժի էպիկենտրոնը գտնվել է Դեխլորան քաղաքից, որը գտնվում է Իրանի արևմուտքում՝ Իլամի նահանգում, 26 կիլոմետր հեռու:
Զոհերի և ավերածությունների մասին տվյալներ առայժմ չեն ստացվել:
Օգոստոսի 18-ին ավելի վաղ Իլամի նահանգում տեղի է ունեցել 6,2 մագնիտուդով ևս մեկ երկրաշարժ: Դրա հետևանքով տուժել է շուրջ 250 մարդ: Ըստ IRNA գործակալության տվյալների՝ զգալի ավերածություններ են տեղի ունեցել Մուրմուրի քաղաքում և տարածաշրջանի ութ այլ բնակավայրերում, հաղորդել է ՌԻԱ «Նովոստին»:
ՈՒՂԻՂ ԵԹԵՐ
Ամենադիտված 
Ցմահ դատապարտյալ Արթուր Քոչարյանն ազատ է արձակվել
