Ադրբեջանում պետական չինովնիկն ու բանակի սպան ծեծել են իրար
Աշխարհ
Բաքվի Բինագադի շրջանում միևնույն շենքում բնակվող պետական չինովնիկն ու ադրբեջանական բանակի բարձրաստիճան սպան ծեծել են իրար: Այս մասին, ինչպես հաղորդում է «Արմենպրես»-ը, հայտնում է ANS PRESS լրատվական գործակալությունը' նշելով, որ նրանց միջև կենցաղային հողի վրա ծագած վիճաբանությունը վերածվել է զանգվածային ծեծկռտոցի:
Շենքի 5-րդ հարկի բնակիչ, Ադրբեջանի ՊՆ զորամասերից մեկի բարձրաստիճան սպա Մուհամեդ Համիդովը բնակարանում վերանարոգման աշխատանքների հետ կապված աղբը վերևից միանգամից թափել է աղբատար մեքենայի մեջ՝ փոշի բարձրացնելով շենքով մեկ: Հարևանները սկսել են դժգոհել Համիդովի այդ անվայել արարքից: Վերջինս հոխորտացել է, որ ինքը ազգային բանակի սպա է և ինչ կուզի' կանի: Խոսակցությանը միջամտել է երրորդ հարկի բնակիչ, պետական պաշտոնյա Իլհամ Ալիևը, ով փորձել է կարգի հրավիրել սպային: Նրանց միջև քաշքշոցը վերածվել է ծեծկռտուքի, որին միջամտել են կողմերի մտերի մները: Արդյունքում բարձրաստիճան սպան և չինովնիկը վնասվածքներով տեղափոխվել են հիվանդանոց:
Միջադեպի մանրամասները հետաքննող Բաքվի ոստիկանության 6-րդ բաժնի աշխատակից Էլվար Գուլիևը ANS PRESS-ին հայտնել է, որ ծեծկռտուքի մասնակիցները պետական ծառայողներ են, և այդ պատճառով գործը պետք է ուղարկվի դատախազություն:
ՈՒՂԻՂ ԵԹԵՐ
Ամենադիտված 
Խստորեն դատապարտում եմ Ռուբեն Ռուբինյանի կողմից Ստամբուլում թուրք տեսած լինելը. Դանիել Իոաննիսյան
