Շվեյցարիան ԵՄ-ի արտադրողներին մերժել է ռուսաստանյան պատժամիջոցների շրջանցման հարցում

Շվեյցարիան, որը չի հայտնվել ռուսաստանյան պարենային բռնարգելքի տակ, մերժել է Եվրամիության արտադրողներին իր տարածքով ապրանքների վերաարատահանման հարցում, գրել է The Wall Street Journal-ը:

Ինչպես տեղեկացնում է «Արմենպրես»-ը, Շվեյցարիայի գյուղատնտեսության համերկրային բյուրոն հայտարարել է, որ մերժել է մրգերի, բանջարեղենի և այլ սննդամթերքի արտադրողների խնդրանքները: Բյուրոյի մամուլի քարտուղար Յուրգ Յորդին պարզաբանել է, որ երկրի օրենքները պահանջում են արտահանվող արտադրանքի՝ հիգիենիկ նորմատիվների համապատասխանության հավաստագրում, սակայն այդ ընթացակարգը չի կարելի իրականացնել արտասահմանից ստացվող ապրանքների հետ:

Ավելի վաղ Եվրոպայի՝ կաթնամթերքի, մսամթերքի և բանաջարեղենի մի շարք արտադրողներ պաշտոնապես դիմել էին Շվեյցարիայի կառավարությանը՝ իր տարածքով Ռուսաստանին իրենց արտադրանքի մատակարարումների իրականցման խնդրանքով: