Apple-ը ներկայացրել է նոր iPad պլանշետները

Apple կորպորացիան ներկայացրել է iPad Air 2 և iPad Mini 3 երկու նոր պլանշետները: Շնորհանդեսը տեղի է ունեցել ընկերության կենտրոնակայանում, որը գտնվում է Կալիֆորնիայում, այն ըստ ավանդույթի վարել է Apple-ի գլխավոր տնօրեն Թիմ Քուկը, տեղեկացնում է «Արմենպրես»-ը՝ հղում անելով BBC-ին:

Երկու նոր պլանշետներն էլ աշխատում են iOS 8.1 գործառական համակարգի հիմքի վրա: Նոր iPad Air 2-ը նախորդ մոդելից ավելի բարակ է 18 տոկոսով, դրա հաստությունը կազմում է 6,1 միլիմետր: Ինչպես հայտարարում են ընկերութունում, դա այսօրվա դրությամբ աշխարհում ամենաբարակ պլանշետն է:

Երկու մոդելներն էլ հաջորդ շաբաթվա ընթացքում վաճառքի կհանվեն ԱՄՆ-ում և Եվրոպայում:

Apple-ը նաև ներկայացրել է համակարգիչների համար նախատեսված OS X Yosemite նորացված գործառական համակարգը. այն օգտատերերին անվճար մատչելի է հոկտեմբերի 17-ից: Մյուս նորութների թվում են iMac մոնոբլոկը՝ Retina 5K էկրանով և Mac Mini համակարգիչը՝ չորրորդ սերնդի Intel Core պրոցեսորով: