ԱՊՊԱ համակարգում հատուցումներն ավելացել են շուրջ 83 մլն դրամով
Տնտեսություն
Ավտոմեքենաների ապահովագրության պայմանագրերով վճարված (վճարվելիք) հատուցումների ընդհանուր գումարը սեպտեմբերի ընթացքում կազմել է մոտ 826 մլն դրամ, ինչն օգոստոսի համեմատ աճել է մոտ 83 մլն դրամով: «Արմենպրես»-ի հաղորդմամբ' ամսվա ընթացքում կարգավորված դիմումների քանակը նախորդ ամսվա համեմատ ևս աճել է' կազմելով 3,848 դիմում, նախորդ ամսվա 3,736-ի դիմաց:
Ավտոապահովագրողների բյուրոյի հրապարակած տվյալների համաձայն' հատուցման միջին չափը 2014թ. սեպտեմբեր ամսվա դրությամբ կազմել է 194 հազար 531 դրամ: Համակարգի վնասաբերության ցուցանիշը սեպտեմբեր ամսվա դրությամբ կազմել է մոտ 58 տոկոս' նախորդ ամսվա 57 տոկոսի փոխարեն։
2014թ. սեպտեմբերի 30-ի դրությամբ ԱՊՊԱ պայմանագիր ունեցող ավտոտրանսպորտային միջոցների քանակը կազմել է 447 հազար 910, ինչը նախորդ ամսվա վերջին օրվա դրությամբ ունեցած ցուցանիշի համեմատ աճել է 1589-ով:
ՈՒՂԻՂ ԵԹԵՐ
Ամենադիտված 
«Մարինան նույնպես չկարողացավ հաղթել այդ չարիքին». Իրինա Թովմասյանը ցավալի լուր է հայտնել
