Ճամբարակ քաղաքում պետական աջակցությունից արդեն օգտվել է կարկտից տուժած 329 ընտանիք

Գեղարքունիքի մարզի Ճամբարակ քաղաքում շարունակվում է պետական աջակցության ցուցաբերումը այս տարվա սեպտեմբերի 4-ին տեղացած կարկտից տուժած տնտեսություններին՝ ցինկապատ թիթեղի հատկացման տեսքով:

Ինչպես «Արմենպրես»-ին տեղեկացրեց Ճամբարակի քաղաքապետ Յուրա Ավալյանը, հոկտեմբերի 23-ի դրությամբ աղետից տուժած 329 տնտեսությունների արդեն բաժանվել է ՀՀ կառավարության կողմից հատկացված 12 հազար քառակուսի մետր մակերեսով ցինկապատ թիթեղ, որով պետք է փոխարինվեն կարկտից ծակված շիֆերապատ տանիքները: Որոշ տնտեսություններ արդեն նորոգել են իրենց վնասված տանիքները, իսկ մյուսները դա կանեն առաջիկա օրերի ընթացքում:Մնացած 530 ընտանիքները պետական աջակցությունը կստանան հոկտեմբեր-նոյեմբեր ամիսների ընթացքում:

Խոսրով Խլղաթյան