Բոլիվիան Հայոց ցեղասպանությունը ճանաչող բանաձև է ընդունել
Համաշխարհային Մամուլ
Նոյեմբերի 26-ին Բոլիվիայի խորհրդարանը միաձայն ընդունել է բանաձև՝ ի նշան համերաշխության հայ ժողովրդի պահանջների, դատապարտել ժխտողական քաղաքականությունը Ցեղասպանության հետ կապված և համայն մարդկության դեմ իրագործված հանցագործությունը:
Prensa Armenia-ի հետ զրույցում սենատոր Զոնիա Գարդիա Մելգարը՝ Բոլիվիայի սենատի գործող նախագահը, պարզաբանել է, որ բանաձևն ընդունվել է միաձայն և Սենատում, և՛ Պատգամավորների պալատում, և՛ Արտգործնախարարության հավանությամբ:
«Մենք լիովին մեր աջակցությունը, համերաշխությունը և բարեկամությունն ենք հայտնում հայ և քուրդ ժողովուրդներին, որովհետև մեր Սահմանադրությունը, որն օրենքների օրենքն է, «ոչ» է ասում է խտրականությանը, մարդու իրավունքների խախտմանը և ցեղասպանությանը»,- ավելացրել է նա:
Բանաձևի ամբողջական տեքստի ոչ պաշտոնական թարգմանության մեջ ասվում է.
«Բոլիվիայի Օրենսդիր ժողովը կիսում և աջակցում է հայ ժողովրդի՝ մարդու իրավունքների պաշտպանության, արդարության և ճշմարտության հաստատման համար պայքարը:
Հայտարարվում է ամուր աջակցություն մարդու իրավունքների, ճշմարտության, արդարության, համերաշխության, ցեղասպանության հետ կապված քաղաքական ժխտումների դեմ, հայ ժողովրդին հասցված՝ մարդկության նկատմամբ իրականացված հանցագործության գործին»:
ՈՒՂԻՂ ԵԹԵՐ
Ամենադիտված 
Նորայրը մեկնել էր հանգստի, արդեն վերադառնում է. նոր մանրամասներ՝ ողբերգական դեպքից
