Սիրիական Համա քաղաքում հայ զինվորական է զոհվել
Սփյուռք
Սիրիական Համա քաղաքում նոյեմբերի 28-ին հայ է զոհվել: Այս մասին «Արմենպրես»-ին տեղեկացրեց Հալեպի իր աղբյուրը: Հալեպահայ սպա Հովսեփ Պչաքջյանը զոհվել է պայթյունի հետևանքով:
Նրա թաղման արարողությունը տեղի է ունեցել նոյեմբերի 30-ին Հալեպի ս. Աստվածածին եկեղեցում: Թաղման արարողությանը ներկա են եղել սիրիական բանակի և Հալեպի բարձրաստիճան սպաներ և ավագանին:
«Բերիո Լուրեր» ֆեյսբուքյան էջից տեղեկացանք, որ թաղման արարողակարգը կատարել է Բերիո թեմի առաջնորդ Գերշ. Տեր Շահան Արք. Սարգիսյանը: Եկեղեցում տեղի ունեցած արարողությունից հետո սգակիր ժողովուրդը ցավակցություններ հայտնելու համար իջել է եկեղեցու ներքնասրահ, որտեղ նահատակի զենքը սիրիական և եռագույն դրոշներով հանձնվել է նահատակի եղբորը՝ Րաֆֆի Պչաքջյանին:
Սիրիական հակամարտության ավելի քան 3,5 տարում զոհվել է մոտ 200 հազար մարդ, զոհված հայերի թիվը գերազանցել է 100-ը: Միլիոնավոր սիրիացիներ ստիպված լքել են հայրենիքը՝ հաստատվելով հիմնականում հարևան Լիբանանում, Թուրքիայում, Իրաքում և Հորդանանում:
ՈՒՂԻՂ ԵԹԵՐ
Ամենադիտված 
Իմ դարի չափ տխրությունն Անին վերցրեց իր փխրուն ուսերին ու տարավ․ Նազենի Հովհաննիսյան
