Չինաստանն ակտիվորեն գնում է էժանացած նավթը
Տնտեսություն
Նավթի արդյունահանման բաժնաչափերը պահպանելու ՕՊԷՔ-ի որոշման ֆոնին Չինաստանն ակտիվորեն գնում Է Էժանացած նավթը, տեղեկացնում Է «Արմենպրես»-ը՝ հղում անելով China Daily հրատարակությանը:
«Սա երկրի ռազմավարական պաշարներն ավելացնելու ոսկե ժամանակ Է»,-նշել Է Nomura Holdings Inc. ընկերության վերլուծաբան Գորդոն Կվանը: «Չինաստանը մեծ օգուտ ստացավ ՕՊԷՔ-ի որոշումից»,-հավելել Է նա:
Ինչպես պարզաբանել Է SCI International-ի փորձագետ Գաո Ցզյանը, «ցածր գները կնպաստեն նավթի ռազմավարական պաշարների ձեւավորման ազգային ծրագրի զարգացմանը»: Ընթացիկ տարվա առաջին ինն ամսում Չինաստանը, անցյալ տարվա համապատասխան ժամանակաշրջանի համեմատությամբ նավթի գնումն ավելացրել Է 8,3 տոկոսով՝ օրական մինչեւ 460 հազար բարել: «Նոր պահեստարանների շահագործման հանձնվելու համեմատ գնումների ծավալը կհասցվի օրական 700 հազար բարելի»,-կանխատեսում Է փորձագետը:
Ինչպես ավելի վաղ հայտնել Է ՉԺՀ-ի պետական վիճակագրական վարչությունը, նոյեմբերին Չինաստանն ավարտել Է 12,5 մլն տոննա ծավալով նավթի ազգային ռազմավարական պաշարների առաջին հերթի համալրումը: Այդ պաշարները գտնվում են Չժեցզյանի, Շանդունի եւ Լյաոնինի նահանգներում: Սպասվում Է, որ մինչեւ 2020 թվականը Չինաստանի նավթի ռազմավարական պաշարները կաճեն մինչեւ 40 մլն տոննա, հաղորդել Է ՏԱՍՍ-ը:
ՈՒՂԻՂ ԵԹԵՐ
Ամենադիտված 
«Մարինան նույնպես չկարողացավ հաղթել այդ չարիքին». Իրինա Թովմասյանը ցավալի լուր է հայտնել
