«Հայաստանի բանկային համակարգը ունակ է դիմակայելու շոկային իրավիճակներին». Արթուր Ջավադյան

Արժութային շուկայում դոլարի նկատմամբ պահանջարկի զգալի ավելացումից հետ բանկերը վարում են ժամանակավոր պահպանողական քաղաքականություն: Դա արվում է նոր իրավիճակին բնորոշ ռիսկերը համապարփակ գնահատելու և ըստ այդմ քաղաքականությունն ըստ ստեղծված տնտեսական իրադրությանը ճշգրտելու և հարմարեցնելու համար: Այս մասին լրատվամիջոցներ հետ հանդիպման ժամանակ նշեց ՀՀ կենտրո նական բանկի նախագահ Արթուր Ջավադյանը: Նրա խոսքով՝ Հայաստանի առևտրային բանկերը, հանդիսանալով տնտեսվարող սուբյեկտներ, ինքնուրույն են գնահատում իրենց ռիսկերը՝ հնարավոր կորուստները նվազագույնի հասցնելու համար: «Այս իրավիճակում բանկերը սպասարկման ընթացքում առաջնայնությունը տալիս են իրենց հիմնական հաճախորդներին: Նշված երևույթը կրում է կարճաժամկետ բնույթ»,- «Արմենպրես»-ի հաղորդմամբ` նշեց ԿԲ նախագահը:

Ըստ Արթուր Ջավադյանի՝ բանկային համակարգը հուսալի է և կայուն: «Այն բավարար կապիտալացված է և իրացվելի նույնիսկ խիստ շոկային իրավիճակների ցնցումներին դիմակայելու համար: Բանկային համակարգը սթրեսային իրավիճակներում ցուցաբերում է ռիսկերի կլանման բարձր ունակություն: Դրա վճարունակության բնութագրիչ՝ կապիտալի համարժեքության նորմատիվային ցուցանիշը կազմում է 16.4 տոկոս: Այն մոտ 1.5 անգամ գերազանցում է ՀՀ ԿԲ սահմանած նվազագույն սահմանաչափը և կրկնակի գերազանցում Բանկային վերահսկողության բազելյան կոմիտեի սահմանած նվ ազագույն 8 տոկոս սահմանաչափը»,- ասաց նա:

Բանկերի սեփական միջոցները բավարար են կլանելու համար իրենց «ռիսկային ակտիվների» ավելի քան 16 տոկոս կորուստները: Ըստ առանձին բանկերի՝ կապիտալի համարժեքության նորմատիվային ցուցանիշը նույնպես պահանջվող նվազագույն սահմանաչափից բարձր է: Վարկային պորտֆելում վատորակ վարկերի տեսակարար կշիռը կազմում է 6.7 տոկոս, և բանկերը արդեն իսկ ձևավորել են դրանց մոտ 40 տոկոսի չափով հնարավոր կորուստների ծածկման պահուստ: