Պուտինին պաշտպանում է ռուսաստանցիների 81 տոկոսը. «Ասոշիեյթեդ պրես»

Ռուսաստանում «Ասոշիեյթեդ պրես» գործակալության և NORC հետազոտական կենտրոնի կողմից անցկացված հարցման համաձայն՝ նախագահ Վլադիմիր Պուտինին պաշտպանում է ռուսաստանցիների 81 տոկոսը: Ընդ որում, ինչպես նշում են վերլուծաբանները, 2012 թվականին այդ ցուցանիշը հավասար էր 58 տոկոսի, տեղեկացնում է «Արմենպրես»-ը՝ հղում անելո վ BBC-ին:

Դրա հետ մեկտեղ, ինչպես նշվում է հետազոտության մեջ, հարցման մասնակիցների մեծամասնությունը՝ երկու երրորդը, վստահ է, որ, չնայած միջազգային ճնշմանը և տնտեսական դժվարություններին, Ռուսաստանը ճիշտ ուղղությամբ է շարժվում:

Ռուսաստանցիների երկու երրորդը նաև պաշտպանում է Ուկրաինայի այն քաղաքացիների ձգտումը, ովքեր չեն ցանկանում ենթարկվել Կիևի իշխանություններին: