ԵՏՀ-ին տեղեկատվություն տրամադրող ՀՀ լիազոր մարմիններ կճանաչվեն ՀՀ ֆինանսների և էկոնոմիկայի նախարարությունները

Հայաստանի կառավարությունը Եվրասիական տնտեսական միության երրորդ երկրների նկատմամբ հատուկ պաշտպանական, հակագնագցման և փոխհատուցման միջոցների կիրառման հետաքննություն անցկացնող մարմնին (Եվրասիական տնտեսական հանձնաժողով) տեղեկատվություն տրամադրող ՀՀ լիազոր մարմիններ կճանաչի ՀՀ ֆինանսների նախարարությունը և ՀՀ էկոնոմիկայի նախարարությունը' յուրաքանչյուրն իր իրավասության շրջանակներում: Ինչպես հաղորդում է «Արմենպրես»-ը՝ այդ մասին որոշման նախագիծն ընդգրկված է ՀՀ կառավաարության դեկտեմբերի 25-ի նիստի օրակարգում:

ԵՏՄ հետաքննություն կատարող մարմինը (Եվրասիական տնտեսական հանձնաժողով) կիրառում է հատուկ պաշտպանական, հակագնագցման և փոխհատուցման միջոցներ երրորդ երկրներից ներմուծված որոշ ապրանքների նկատմամբ: Եվրասիական տնտեսական հանձնաժողովին տեղեկատվություն տրամադրող ՀՀ լիազոր մարմիններ նշանակելու խնդիրը բխում է ԵՏՄ պայմանագրային դաշտի պահանջներից' համապատասխան համաձայնագրի դրույթների ապահովման նպատակով:

Մոսկվայում դեկտեմբերի 23-ի կեսօրից հետո կմեկնարկի Եվրասիական տնտեսական բարձրագույն խորհրդի նիստը, որտեղ կհայտարարվի ԵՏՄ-ին Հայաստանի անդամակցության գործընթացի ամբողջացման մասին: 2014թ. հոկտեմբերի 10-ին ստորագրված պայմանագիրն անցել է Հայաստանի, Ռուսաստանի, Բելառուսի ու Ղազախստանի վավերացման ազգային ընթացակարգերով: Կառույցը կսկսի լիարժեք գործել 2015թ.հունվարի 1-ից: Հաջորդ իսկ օրը Հայաստանը կդառնա կառույցի լիիրավ անդամ: