Մոսկվայում բացվել է ՀԱՊԿ-ի Խորհրդի նիստը
Ռուսաստան
Մոսկվայում բացվել է Հավաքական անվտանգության պայմանագրի կազմակերպության ղեկավար մարմնի՝ Հավաքական անվտանգության խորհրդի նիստը: Ինչպես տեղեկացնում է «Արմենպրես»-ը, հղում անելով ՌԻԱ Նովոստիին, միջոցառումն սկսվելուց առաջ Ռուսաստանի նախագահ Վլադիմիր Պուտինը ողջունել է Հայաստանի, Բելառուսի, Ղազախստանի, Ղրղզստանի, Տաջիկստանի իր պաշտոնակիցներին:
ՌԴ նախագահի օգնական Յուրի Ուշակովը լրագրողներին հայտնել է, որ ՀԱՊԿ-ի երկրների ղեկավարները գագաթնաժողովի արդյունքում կընդունեն համատեղ հայտարարություն, որում մտահոգություն կհայտնեն ահաբեկչության վտանգի աճի և Կենտրոնական Ասիայում ծայրահեղականության տարածման կապակցությամբ:
Նախ տեղի կունենա խորհրդի նիստը նեղ կազմով, որին մասնակցում են պետությունների ղեկավարները: Դրանից հետո կկայանա խորհրդի նիստը՝ ընդլայնված կազմով: Գագաթնաժողովի արդյունքում պլանավորվում է ստորագրել 22 փաստաթուղթ, այդ թվում՝ համատեղ հայտարարությունը, խորհրդի 19 որոշում և 2 արձանագրություն:
Դեկտեմբերի 23-ին ՀԱՊԿ-ի կանոնադրական մարմիններում նախագահությունը Ռուսաստանից կանցնի Տաջիկստանին:
ՈՒՂԻՂ ԵԹԵՐ
Ամենադիտված 
Ադրբեջանից ներմուծված բենզինը պետք է մնա բենզալցակայաններում, չպետք է օգտվեն դրանից (տեսանյութ)
