Պատժամիջոցները կամրապնդեն Պուտինի դիրքերը երկրի ներսում. The Nation

Ռուսաստանը թուլացնելու և ռուսական իշխանություններին վարկաբեկելու նպատակով Վաշինգտոնի կողմից ձեռնարկվող պատժամիջոցները ամրապնդում են նախագահ Վլադիմիր Պուտինի հեղինակությունը: Այդ մասին գրել է Ջեյմս Քարդենը The Nation հանդեսում հրապարակված հոդվածում:

Հոդվածում նշվում է. որ միաժամանակ` ընդունելով Ուկրաինայի Ազատության աջակցման ակտը (HR 5859), Վաշինգտոնը որոշել է հարաբերություններ հաստատել Կուբայի հետ, չնայած այն հանգամանքին, որ ԱՄՆ-ն մոտ 50 տարի պահում է Ազատության կղզին տնտեսական շրջափակման մեջ:

Ռուսաստանի դեմ պատժամիջոցների հերթական փաթերի ընդունման ֆոնին երկրում սկսվեց ռուբլու արժեզրկումը, ինչը ստիպեց ռուսական կենտրոնական բանկին բարձրացնել իր հիմնական տոկոսադրույքը 10.5% -ից մինչև 17%: Լուրը «ամերիկացի բազեներին» վստահություն  ներշնչեց, թե պատժամիջոցներն իրոք գործում են, գրում է հեղինակը:

Սակայն, ինչպես ցույց է տալիս պատմական փորձը, պատժամիջոցները չեն հանգեցնում ռեժիմի փոփոխման: Ընդհակառակը, հեղինակը նշում է, որ արտաքին թշնամու ի հայտ գալով մարդիկ պատրաստ են աջակցել իրենց կառավարիչներին:

Այդպես եղավ Կուբայի հետ ավելի քան կես դար առաջ: Ըստ հեղինակի, Ազատության կղզու նկատմամբ Վաշինգտոնի կողմից սահմանված պատժամիջոցները չկարողացան տապալել ռեժիմը և նկատելի ազդեցություն չգործեցին ներքաղաքական ուղեգծի վրա, բացի Կաստրո եղբայրների իշխանության ամրապնդումից:

Քարդենը կարծում է, որ, վերլուծելով պատմական փորձը, կարելի է ենթադրել, որ պատժամիջոցները կնպաստեն Վլադիմիր Պուտինի ազդեցության ամրապնդմանը: