Ղրղզստանը Եվրասիական տնտեսական միություն է մտնում «շատ լավ պայմաններով». Աթամբաև
Տնտեսություն
Ղրղզստանը Եվրասիական տնտեսական միություն է մտնում «շատ լավ պայմաններով»: Այդ մասին հանրապետության նախագահ Ալմազբեկ Աթամբաևը հայտարարել է 2014 թվականի արդյունքներին նվիրված մամուլի ասուլիսում:
«Մենք շատ լավ պայմաններով ենք մտնում,- ասել է նա:- Սահմանների բարեկարգման համար մեզ հատկացվում է 300 մլն դոլար»: Բացի այդ, «ստեղծվում է զարգացման (ղրղզա-ռուսական) հիմնադրամ՝ 1 միլիարդանոց կապիտալով», նշել է նախագահը: «Ունենալով նման ռեսուրսներ՝ կառավարությունը պետք է ստեղծի աշխատատեղեր, բոլոր ջանքերն ուղղի տնտեսության զարգացմանը»,- ընդգծել է Աթամբաևը:
Պետության ղեկավարը նաև հիշեցրել է, որ Համաշխարհային բանկի փորձագետները «Ղրղզստանը բացառել են աղքատ երկրների ցուցակից և ներառել բնակչության միջին եկամուտ ունեցող երկրների կատեգորիայում»: «Կարծում եմ, որ 2014 թվականին մեզ շատ բան է հաջողվել անել: Մենք ունենք զարգացման հստակ տեսլական, մենք գիտեինք ու գիտենք՝ ուր գնալ և ինչ անել»,- ասել է նա, հաղորդել է ՏԱՍՍ-ը:
ՈՒՂԻՂ ԵԹԵՐ
Ամենադիտված 
«Գուստավ» ռեստորանի մենեջերը կանանց զուգարանում գաղտնի տեսանկարահանումներ է իրականացրել․ ՆԳՆ-ն ստուգում է տեղեկությունը
