Կենտրոնական բանկը 2 մլն դոլար է վաճառել 468.08 դրամով

ՀՀ կենտրոնական բանկը 17-րդ անգամ դոլարի վաճառքի աճուրդ է անցկացրել: Իրականացվել է 2 մլն ԱՄՆ դոլարի վաճառք` 468.08 ՀՀ դրամ 1 ԱՄՆ դոլարի դիմաց միջ ին կշռված փոխարժեքով, իսկ սահմանային փոխարժեքը կազմել է 467.25 ՀՀ դրամ` 1 ԱՄՆ դոլարի դիմաց:

Դեկտեմեբերի 22-ին, 23-ին, 24-ին, 25-ին և 26-ին Կենտրանական բանկը վաճառել էր ևս 2-ական մլն դոլար: Դեկտեմբերի 8-ին հայտարարված աճուրդների առաջին շաբաթվա ընթացքում օրական վաճառքի էր հանվում 6 մլն դոլար, երկրորդ շաբաթվա սկզբին` դեկտեբերի 15-ից, ԿԲ-ն նվազեցրեց առաջարկվող դոլարի ծավալը մինչև 4 մլն, իսկ այս շաբաթ արդեն աճուրդում օրական առաջարվում է 2 մլն դոլար:

Դեկտեմբերի 8-ից հետո, երբ ՀՀ կենտրոնական բանկը հայտարարեց դոլարի վաճառքի աճուրդների անցկացման մասին, արդեն իսկ տեղաբաշխվել է 44 մլն դոլար: ԿԲ-ի կողմից նոր գործիքի ներդրման նպատակն էր կարգավորել արժութային շուկայում ստեղծված իրավիճակը և հարթել փոխարժեքի տատանումները: