Գերմանահայերը Բոխումում Հայոց ցեղասպանության հիշատակի միջոցառումներ են կազմակերպում

Գերմանիայի Բոխում համալսարանական քաղաքում Հայոց ցեղասպանության 100-րդ տարելիցը կնշանավորվի ծառատունկով և ժայռը ճեղքող գրքի արձանի տեղադրմամբ: Այս մասին լրագրողների հետ հանդիպման ժամանակ հայտնեց «Գերմանիայի հայ ակադեմիականների միություն-1860» գիտամշակության կազմակերպության նախագահ Ազատ Օրդուխանյանը: Նրա խոսքով` կազմակերպությունն ի թիվս այլ միջոցառումների, այս տար վա օգոստոոսից նոյեմբեր Ցեղասպանության 100-րդ տարելիցին ընդառաջ իրականացրել է մշակութային միջոցառումներ քաղաքի բնակչության տեղեկացվածությունը բարձրացնելու նպատակով:

Մենք կազմակերպեցինք մշակութային աշուն Բոխում քաղաքի գիտամշակութային հաստատությունների` Արվեստի թանգարանի, Կետրոնական գրադարանի, Կենտրոնական ախրիվի, Քաղաքային ակադեմիայի, Երաժշտական գործիքների թանգարանի, տարբեր հրատարակչությունների հետ: 35 հոդված հրատարակվեց գերմանական թերթերում այդ միջոցառումների մասին` հիմնականում, նյութ ընդունելով Հայոց ցեղասպանությունը»,-ասաց բանախոսը:

Հարցին ի պատասխան, թե արդյոք, տվյալ հոդվածներում նշվում է «Հայոց ցեղասպանություն» տերմինը, Ազատ Օրդուպանյանը նշեց` այո: ««Արմենպրես»-ը մեկ-երկու հոդված հրապարակեց, որ գերմանական թերթերը ակտիվորեն անդրադառնում են Հայոց ցեղասպանության տերմինոլոգիային: Չնայած 2005-ին Բունդեսթագը ընդունեց Հայոց ցեղասպանության փաստը` առանց ընդունելու տերմինը: Բայց մեր շրջանում մենք չենք համաձայնի, որ հրապարկվի նյութ, որում չնշվի «Հայոց ցեղասպանություն» եզրույթը: Ավելի լավ է այդպիսի նյութ չհրապարկվի»,-«Արմենպրես»-ի փոխանցմամբ` նշեց նա:

Ազատ Օրդուխանյանի տեղեկացմամբ` հայրենիք գալու առիթն այն ծրագրերն են, որ պատրաստվում են իրականացնել Գերմանիայում: «Քառամսյա ծրագրերն ավարտելուց հետո մոտեցանք Բոխումի քաղաքապետարանին, որպեսզի մեր միության 150 ամյակի և Հայոց ցեղասպանության 100-րդ տարելիցի կապակցությամբ 155 ծառ բերենք Հայաստանից ու ստեղծենք հայ-գերմանական բարեկամության այգի, ուր հետագայում պետք է կանգնեցվեն հուշարձաններ»,-հայտնեց նա` շեշտելով, որ դա յուրահատուկ երախտիքի խոսք կլինի երկրաշարժի տարիներին կարիքի մեջ գտնվող հայերին օժանդակած գերմանական հասարակությ անը: «Ամռանը մեծ փոթորիկ եղավ Բոխումում, ուր շատ ծառեր ջարդվեցին, մենք էլ ասում ենք կարիքի մեջ եք, մենք ուզում ենք մեր երախտագիտական քայլով օգնել ձեզ` չնայած, որ դուք հարուստ պետություն եք ու կարող եք լուծել այդ խնդիրը: Կանաչապատման վարչությունից նշեցին, որ հնարավոր չէ 155 ծառ մեկտեղել քաղաքի ներսում: Դրա համար որոշակի քանակությամբ ծառեր կտնկվեն մի վայրում, որը կկոչվի Հայկական պուրակ կամ այգի, մյուս ծառերը, որոնք կավելանան, կնվիրենք քաղաքի մշակութային կառույցներին: Այդպիսով` մտավորականներն այցելելիս կտեսնեն հայկական ներկայությունը&raqu o;,-ավելացրեց նա:

Երկրորդ ծրագիրը, որը ևս համաձայնեցված է արդեն, Բոխումի քաղաքապետարանում գրքի հուշարձանի կանգնեցումն է: «Հաջորդ հարյուրամյակը գնալու ենք գրքով ու գրականությամբ: Մարիետ Արմենան կլինի հուշարձանի հեղինակը, այն պետք է լինի ժայռի մեջ, գիրքը ճեղքում է ժայռը»,-հայտնեց Ազատ Օրդուպանյանը:

Կազմակերպությունը նախատեսում է կարել 4 հազար եռագույն, այն վաճառել գերմանահայերին, ովքեր Հայոց ցեղասպանության 100-րդ տարելիցին կունենան հայկական դրոշը: Ակցիան բարեգործական կլինի, հավաքված գումարն էլ կտրմարվի հայ ազատամարտիկներին: Բացի այդ` 100 դրոշ էլ կբաժանեն Գերմանիայի քաղաքներին, որոնք, Էրֆուրտի քաղաքապետարանի օրինակով, կարող են ապրիքսանչորսյան միջոցառումների ժամանակ գերմանական դրոշի հետ խորնարհել նաև հայկականը: